WONDERWERK LAAT MY LEEF
AS PASTOOR is sy soveel meer as net ’n geestelike herder wat op Sondae vir haar gemeente preek. Sy is dikwels ook sieketrooster en berader. Sy verwelkom nuwe lewens in haar kudde en sy help gemeentelede om verlies en die dood te verwerk.
Dié veelvuldige rolle het Cyzelle Fincham (39) al menigmaal vertolk. Want as pastoor van Mbombela se Grace Family-gemeente ken sy die vreugde maar ook die pyn en swaarkry van ander. Tog het sy nooit gedink die dag sal kom dat sy self deur trauma sal moet veg nie – en dat sý die een sal wees om wie ander se gebede wentel nie.
Waar sy vandag met haar hondjie, Oreo, op
