Ssoos sleggekookte ryskorrels wat aan mekaar vasklou, só heg is hul band, het die dominee op haar ouma se begrafnis gesê. Daai closeness en hul sterk geloof in God het hulle al deur baie gedra, sê Esmerelda Simpson (45).
Soos toe haar ma, Elizabeth “Bettie” Julies (70), se jonger sus, Seralene Prins (65), met bloedarmoede gesukkel het, en vir ‘n lang tyd in en uit by die hospitaal was.
“Sy moes elke keer bloedoortappings kry totdat sy uiteindelik op 22 April 2022 met beenmurgkanker gediagnoseer is,” sê Esmerelda. “'n Stamseloorplanting was die enigste uitweg.”
Esmerelda onthou hoe haar antie Seralene, of “Lienie”, in dié tyd gebede na bo geskiet het. Sy wou weet: “Wat ís dit dan dat my lyf net nie wil gesond raak nie?”
“Die Here het geantwoord: ‘Voordat jy in jou moederskoot gevorm17 Mei 1953 geweet jy gaan dié siekte kry, daarom het ek vir Bettie Julies uit die brand gered, ’” sê ‘n veel gesonder Lienie.