Sy was net 37 toe kanker die eerste keer by haar gediagnoseer is. Dít was in Januarie 2021. Maar lank voor dit was Lizette de Kock al bewus van die knop in haar bors, en dat dit moontlik kanker kon wees…
Dié bibliotekaresse van Mosselbaai was doodbang om dokter toe te gaan nadat sy toevallig in 2020 ’n knop in haar regterbors ontdek het. Borskanker was nie in hul familie nie, en sy het nooit gedink dié siekte sou aan haar deur kom klop nie. Dis juis hoekom sy nooit selfondersoek gedoen het nie.
“Ek was verskriklik bang om daaroor te praat en het gedink dit is my doodsvonnis. Ek het my voorberei om te
