NAVORSINGTOER NA NAMIBIË EN ANGOLA, 1963
Ek en my vriend Kobus Joubert praat nou nog oor ’n toer wat ons in die 1960’s as studente aan Stellenbosch Universiteit onderneem het. Louis Botha, ’n ou skoolmaat, het antropologie geswot en was doenig met ’n tesis oor die Ovambo- en Himba-mense van Namibië en Angola. Hy het ’n navorsingtoer saam met ’n klomp studente na dié lande beplan en my en Kobus saamgenooi oor ons “bestuursvernuf”.
