‘Engel’ met die gladde bek
Hier is ’n hedendaagse Kersverhaal. Behalwe dat dit nie Kersfees is nie. Maar dis die verhaal van ’n man wat onverwags op my pad gekom het en wat – ongeag – my lewe ongewoon verryk het in ’n gloed wat my bejaarde dae verwarm.
Ek was van Randburg af na Pretoria op pad in my ou bakkie – een met heelwat duike in sy bakwerk wat sedert 1996 deur die stampe en stote van baie houtstompe en onverskillige jaagduiwels gestempel is. Sy gevorderde jare ten spyt het sy enjin, wat verskeie kere herbou is met 543 000 km op die klok en ’n splinternuwe aansittermotor, nog fyn sy werk verrig.
’n Uur nadat ek die banke en
