DANNY pluk die voordeur oop. Nes hy gedink het. Sy suster se snotneuskêrel sit al weer slaplyf op hul sofa. Bier in die hand. Sy kop rukkend op die maat van rasende, onaardse musiek. Met oorringetjies wat uittartend na sy kant toe blink, gooi hy ’n voorvinger in sy rigting. Is dit sowaar hoe die mannetjie hom groet? As hy net sy suster minder wil beklou. Laat hom dink aan hondedinges onderaan ’n tekkie.
Sy ma is nog nie by die huis nie. Hy brand om haar te vertel van oom Lebbie se geel scooter. Sy weet dat oom Lebbie ou karre koop. Eintlik alles met enjins wat nie meer werk nie. Dan maak hy dit reg en blink, en verkoop dit weer. Dit het begin net ná sy vrou se dood ’n jaar gelede. Toe hy kontant betaal het vir sy buurman se dofpienk skedonk wat op bakstene staan. Klaar gewerk aan die enjin en bloedrooi gespray, verkoop oom
