Dit sneeu in die woestyn!
Ek sit ingeprop in ’n ou gehuurde Jetta in die stad Phoenix in Arizona, gepantser in ’n mus, long johns en handskoene. Maar ek is so opgewonde ek vergeet skoon van die ongemak.
Ek en my ma kuier vir 11 dae in Amerika. Ná ’n paar dae in die stad Washington DC reis ons na vriende in Phoenix. Dis Desember en dus diep in die Amerikaanse winter, en ons is op pad op ’n drie dae lange toer saam met twee vriendinne.
Die plan is om die Red Rock Canyonnasionale bewaringsgebied net buite die stad Sedona te besoek, te
