Die laaste strooi-projek
Jy sal my nie sommer op die strand sien nie. Nie in Desember nie. Hierdie strand, wat so deel van my hart is, is dan oortrek met toeriste. En saam met dié plaag kom roomyspapiere, sigaretstompies en winkelplastiek wat van die stad ingebring is, koeldrankbottels en ’n rumoer.
Vanjaar het ons ook nog ons eie swarigheid wat ons nié sien kom het nie. ’n Uitdaging wat stadig kruip tot dit reg binne-in ons sit.
Ernie kom glad nie meer uit die huis uit nie. Nie vandat die fabriek toe is nie. Hulle sê die vis loop nie meer nie. Aardverwarming, gierigheid, besoedeling en uitlanders wat ons vis kom steel.
Dis wat Ernie sê. Hy het gesweer hy gaan nooit weer drink nie, maar nou rook hy. Pakke en pakke sigarette op die kombuistrap waar die son hom bykom. En
