Die Wonderwerk
Klein Zia lê soos ’n fyn prinsessie in haar trotse pa se arms. Izak uiter kort-kort ’n paar liefdeswoordjies terwyl hy bewonderend na haar kyk. “Ek verruil dit vir niks in die hele wêreld nie,” sê hy. “Ek het altyd gedink ek weet wat verantwoordelikheid is, totdat Zia in ons lewe gekom het.” Hy wieg haar heen-en-weer en neurie saggies.
Terwyl Izak se wederhelf, Mericke, vir die fotosessie opgetof word, vertel sy hoe verbysterd en geskok hulle was toe hulle aan die einde van verlede jaar agterkom sy is swanger.
“Ek was ’n ruk lank naar en heeltyd moeg, maar die laaste gedagte wat in my kop opgekom het, was dat ek dalk swanger is. Toe sê Izak een aand ons moet dalk maar vir die wis en
