IETS aan sy donker oë en skewe glimlag wil-wil bekend lyk. Hy gee geesdriftig raad oor rekwisiete en stemoefeninge, en die aspirantakteurs in sy klas hang aan sy lippe – die man weet duidelik waarvan hy praat.
Maar dit vat ’n tweede en derde kyk om hom te plaas: Dis immers jare sedert Izak Davel (39) en sy blokkiesmaag derduisende kykers na hul asem laat snak het met sy knap rooi Speedo in die Survivor SA-reeks vir bekendes. En nog langer sedert hy as die hartebreker Scab in die sepie Egoli: Plek van Goud bekend geword het.
Hy lag vandag lekker oor daai swembroek. “Die Speedo was vir my ’n praktiese ding toe ek daar op die eiland was. Ek wou nie met ’n nat broek oral rondloop nie, dus het ek die Speedo gedra.” Vandag