Minsaara Punnagai

By Rajeshkumar

Rajeshkumar, an exceptional Tamil novelist, in this service since 1968, written over 1500 novels and 1500 short stories, towards making the Guinness record… Readers who love the subjects Crime, Detective, Police and Science will never miss the creations of this outstanding author… since the author gets into the details of the subject, the readers’ knowledge enhances along with the joy of reading…

• Language: தமிழ்
• Publisher: GeeYe Publications
• Release date: Aug 1, 2017

Book preview

20

1

"ஹிட்... சூப்பர் ஹிட்!"

ரிஸீவரை கீழே வைத்துவிட்டு சோபாவுக்கு சாய்ந்தபடி பத்திரிகை ஒன்றை படித்துக் கொண்டிருந்த பவித்ராவிடம் திரும்பினான் வனராஜ்.

பவித்ரா.

நேத்து ரிலீஸான உன்னோட படம் ‘என்னுடைய ஆகாயம்’ எல்லா சென்டர்லேயும் சூப்பர் ஹிட்டாம்...

அண்ணன் வனராஜை புன்னகையோடு ஏறிட்டாள் பவித்ரா. தன் பெரிய கண்களை படபடத்தபடியே சொன்னாள்.

அந்தப்படம். பூஜை போட்ட அன்னிக்கே எனக்குத் தெரியும், படம் சூப்பர் ஹிட்டாகப் போகுதுன்னு...!

அந்தப் படத்துக்கே உன்னோட நடிப்புத்தான் ஜீவன்.

இது கப்ஸா. படத்தோட டைரக்டர் சசிராஜ் பாலச்சந்தர் கிட்டே பத்து வருஷம் அஸிஸ்டெண்டா இருந்தவர். டைரக்ஷனோட நுணுக்கங்களையெல்லாம் துல்லியமா கத்துகிட்டு ஒரு வலுவான கதையை கையில் எடுத்துகிட்டு படம் பண்ணினார். ஹிட்டாயிடுச்சு. என்னை மாதிரியே யார் நடிச்சிருந்தாலும் சரி. அந்தப் படம் கண்டிப்பா ஹிட்டாயிருக்கும்.

வனராஜ் இடுப்பில் கை வைத்துக் கொண்டு அவளை முறைத்தான். இதோ பார்... பவித்ரா... நம்ம திறமையை நாம்பளே குறைச்சு எடை போட்டுக்கக் கூடாது. இனிமே பாரு. உனக்குப் படம் குவியப் போகுது...

வனராஜ் சொல்லிக் கொண்டிருக்கும் போதே –

டெலிபோன் கூப்பாடு போட்டது.

எவனோ ப்ரொட்யூசர் தான்... கையைச் சொடுக்கியவன் வேகமாய்... போய் ரிஸீவரை எடுத்தான்.

ஹலோ...

பவித்ரா வீடா...?

ஆமா...

நாங்க தாயகம் பிக்சர்ஸ் சார்பா பேசறோம்...! நீங்க பவித்ராவுக்கு அண்ணனா...?

ஆமா.

எங்க தாயகம் பிக்சர்ஸ் சார்பா பவித்ராவை ஹிரோயினா போட்டு ஒரு படம் பண்ணலாம்ன்னு இருக்கோம்.

அப்படியா... வீட்டுக்கு வாங்களேன் பேசிக்கலாம்.

எப்ப வரட்டும்...?

இப்பவே வாங்களேன்...

வனராஜ் ரிஸீவரை வைத்துவிட்டு பவித்ராவிடம் திரும்பினான். தாயகம் பிக்சரிலிருந்து உன்னை புக் பண்ண வர்றாங்களாம். ‘என்னுடைய ஆகாயம்’ படத்தை பார்த்திருப்பாங்க... உன்னோட ரேட் ஏறிடறதுக்குள்ளே ஓடி வர்றாங்க.

தாயகம் பிக்சர்ஸ் நல்ல கம்பெனி தானே...?

அருமையான கம்பெனி... போன வருஷம் மட்டும் கன்டினியூஸா ரெண்டு நூறு நாள் படங்களை குடுத்திருக்காங்க... அதுல ஒண்ணு ஷங்கர் டைரக்ஷன்...

ஷங்கர் டைரக்ட் பண்ணியிருக்காரா...? அப்படீன்னா அது ஜெனியூன் கம்பெனி தான்.

டெலிபோன் மறுபடியும் கூப்பிட்டது.

இது யார்ன்னு தெரியலையே?

ரிஸீவரை எடுத்தான்.

ஹலோ...

பவித்ரா இருக்காங்களா? ஒரு ஆண் குரல் கேட்டது.

நீங்க யாரு?

கோல்ட் காய்ன் மூவிஸிலிருந்து பேசறோம்... ப்ரொட்யூசர் நைனாமலையோட தம்பி நான். பவித்ரா கூட பேசணுமே...?

பவித்ரா இப்ப ஒரு பிரஸ் மீட்டிங்கை அட்டெண்ட் பட்ணிட்டிருக்கிறதுனாலே விஷயம்... என்னான்னு என்கிட்டேயே சொல்லிடுங்களேன்.

நீங்க...?

நான் பவித்ராவோட ப்ரதர்... வனராஜ்.

விஷயமெல்லாம் நல்ல விஷயம் தாங்க...! என்னுடைய ஆகாயம் படத்துல பவித்ராவோட நடிப்பைப் பார்த்ததிலிருந்து, அண்ணன் அசந்து போயிருக்கார். நாங்க எடுக்கப் போற அடுத்தப் படத்துக்கு பவித்ரா தான் ஹிரோயின்ங்கறதை முடிவு பண்ணிட்டோம்... டைரக்ஷன் யார் தெரியுங்களா...? மணிரத்னம். ம்யூசிக் ஏ.ஆர். ரஹ்மான்...

வனராஜ் சந்தோஷத்தில் மூச்சுத் திணறிக் கொண்டிருக்கும் போதே மறுமுனையில் அவர் தொடர்ந்தார்.

எங்க கம்பெனியோட ப்ரொடக்ஷன் மேனேஜரை ஒரு அட்வான்ஸ் தொகையோட அனுப்பிச்சி வைக்கிறோம். வாங்கிட்டு பவித்ராவை, அக்ரிமெண்ட் பாரத்துல ஒரு கையெழுத்தைப் போடச் சொல்லுங்க...

அட்வான்ஸ் தொகை எவ்வளவுன்னு சொன்னா பரவாயில்லை?

அம்பதாயிரம்.

கம்மியா தெரியுதுங்களே.

அட...! இது அட்வான்ஸ்தான் படத்தோட ரேட்டை நாளைக்குப் பேசிக்கலாம்.

ஸாரிங்க...! நாளைக்கு பேசறதெல்லாம் லேட்...! இன்னிக்கே பேசிட்டா பரவாயில்ல...

என்னங்க ஒரேயடியா மேல ஏர்றீங்க. உங்க தங்கச்சி நடிச்சு ஒரு படம்தான் வெளியே வந்திருக்கு... அதுக்குள்ள இவ்வளவு ஆர்ப்பாட்டம் பண்றீங்களே...?

இது ஆர்ப்பாட்டமில்லைங்க...! ஒரு முன்னெச்சரிக்கையான நடவடிக்கை, ‘என்னுடைய ஆகாயம்’ படம் ரிலீஸான நிமிஷத்திலிருந்து எங்க வீட்டு டெலிபோன் விடாமே அடிச்சிட்டிருக்கு... தமிழ்நாட்டுல இருக்கிற அத்தனை ரெப்யூட்டட் கம்பெனியும். பவித்ராவை அவங்களோட அடுத்தப் படத்துல ஹிரோயினா புக் பண்றதுக்கு ஆசைப்படறாங்க. நாங்க, என்ன பண்ண முடியும்...?

சரி, ரேட் என்ன்...?

உங்க கையில் எத்தனை விரல் இருக்கோ... அத்தினி லட்சம்.

பத்தா...?

எஸ்.

ரொம்ப அதிகம்...

இன்னொரு படம் வந்து பவித்ராவோட மார்க்கெட் ஏறினதும் இப்ப நான் கேட்ட ரேட் குறைச்சலாய் இருக்கும்.

சரி... சரி... ஐந்து ரூபாய் போட்டுக்கலாம்.

"நோ... நோ.