Neruppu Nimishangal

By Rajeshkumar

Rajesh Kumar, an exceptional Tamil novelist, in this service since 1968, written over 1500 novels and 1500 short stories, towards making the Guinness record… Readers who love the subjects Crime, Detective, Police and Science will never miss the creations of this outstanding author… since the author gets into the details of the subject, the readers’ knowledge enhances along with the joy of reading…

• Language: தமிழ்
• Publisher: GeeYe Publications
• Release date: Aug 1, 2016

Book preview

14

1

சூரியக் குடும்பத்திலேயே மிகக் குறைவாக ஆராயப்பட்டவை வால் நட்சத்திரங்கள்தான். காரணம் எப்போதும் நம் பார்வையில் பட்டுக் கொண்டிருக்கும் மற்ற கிரகங்களைப் போல் இல்லாமல் வால் நட்சத்திரங்கள் ஒரு நூற்றாண்டில் இரண்டு அல்லது மூன்று முறைகளே தோன்றுகின்றன. வானத்தின் ஏதாவது ஒரு திசையில் குறிப்பிட்ட சில நாட்களுக்கு மட்டும் ‘உள்ளேன் அய்யா’ என்று காட்சி கொடுத்துவிட்டு பிறகு டாட்டா காட்டிவிட்டுப் பால்வெளி மண்டலத்துக்குள் காணாமல் போய்விடும். அளவில் சிறியதாக இருப்பதாலும் காற்று மண்டலத்தடைகளாலும் இந்த ஸ்பெஷல் வால் நட்சத்திர விருந்தாளிகளை கண்காணிப்பது, ஆராய்வது என்கிற பணி வானவியல் விஞ்ஞானிகளுக்கு சுவாரஸ்யமான தலைவலி.

அமெரிக்க நாஸாவின் கேலக்ஸி பிரிவு.

மிகப் பெரியதாய் பிரும்மாண்டம் காட்டிய மெகா அஸ்ட்ரா டெலஸ்கோப்புக்குக் கீழே நிகில் நின்றிருந்தான். டெலஸ்கோப்பின் ஆப்ஜெக்ட் லென்ஸ் இருந்த இடத்தில் கூரையில் கோழி முட்டை வடிவத்தில் திறந்து வைக்கப்பட்ட பாலிமர் கதவின் திறப்புத்தெரிய - அந்தத் திறப்பின் வழியே அட்டைக்கரி நிறத்தில் இருட்டான வானம் பார்வைக்குக் கிடைத்தது. அந்த இருட்டின் பின்னணியில் பில்லியன் கணக்கில் நட்சத்திரங்கள் குண்டூசித் தலை பருமனில் ஒளிப் புள்ளிகளாய்த் தெரிந்தன.

வ்யூ ஃபைண்டரில் கண்ணை வைத்துவிட்டு இருட்டு வானத்தைப் பார்த்து சீன் ஆஃப் அஸ்ட்ராவுக்குத் தகவல்களைத் சேகரித்துக் கொண்டிருந்த நிகில் பின்னால் திரும்பிப் பார்த்துக் குரல் கொடுத்தான்.

ரினி! ஒரு நிமிஷம் இங்கே... வா...

கூப்பிட்ட நிகில் இருபத்தியேழு வயதுத் தமிழ்நாட்டு இளைஞன். மூளையின் அத்தனை நியூரான்களிலும் எக்கச்சக்க ஐ.க்யூ.

நிகில் கூப்பிட்டதைக் கேட்டு கம்ப்யூட்டரின் மானிட்டருக்கு முன்னால் உட்கார்ந்திருந்த ரினி நீலநிற வெல்வெட் தரித்த வட்டமான குஷன் ஸ்டூலைப் பின்னுக்கு நகர்த்தி எழுந்து வந்தாள். ரோஜா தன்னுடைய வண்ணத்தையும், மென்மையையும் ரினிக்கு இலவசமாய் வழங்கியிருந்தது. நான்கு வருடங்களுக்கு முன்னால் நிகிலுடன் சென்னை ஐ.ஐ.டி.யில் ஒன்றாய்ப் படித்தவள். அமெரிக்க எம்பஸியில் நடந்த இண்டர்வ்யூவில் ஆரோக்கியமான மதிப்பெண்கள் வாங்கி நிகிலோடு ஒன்றாகவே நாஸாவின் விண்வெளி ஆராய்ச்சிப் பிரிவுக்கு வந்தவள். அன்றைய நிமிஷம் இருவருமே நாஸா என்கிற கோட்டைக்குள் அதிமுக்கியமான விண்ணியல் நிபுணர்கள்.

என்ன நிகில்...? கேட்டுக் கொண்டே அவனை நெருங்கினாள் ரினி.

டெலஸ்கோப்பின் ‘ஐ பீஸில்’ கண்ணை வெச்சு கொஞ்சம் பாரு...

ரினி டெலஸ்கோப்பிடம் குனிந்தாள்.

ஸ்பைரல் ஸ்விட்சை ஆன் பண்ணு...

பண்ணினாள்.

வெள்ளைக் கோடுகளுக்குப் பின்னால் வானம் ‘திடும்’மென வெகு பக்கத்தில் வந்து நின்றது.

நிகில் கேட்டான்.

ஸ்பைரல் ஸ்டேஜ் கேலக்ஸி தெரியுதா?

சுழலும் மின்விசிறியைப் போல் பரவிக் கிடந்த ஒரு நட்சத்திரக் கூட்டத்தைப் பார்த்தபடி தலையசைத்தாள் ரினி.

ம்... தட் ஈஸ் உர்ஸா மேஜர்...! அதுக்கென்ன?

அந்த உர்ஸா மேஜர்க்கு நாலு யூனிட் லைன் தள்ளிப்பாரு.

பார்த்துவிட்டு சொன்னாள்.

ஒரு வெளிச்சப் புள்ளி தெரியுது.

அதை ஜூம் பண்ணு.

ரினி டெலஸ்கோப்பின் அட்ஜஸ்மெண்ட் குமிழ்களைத் திருகினாள். அப்போது அந்த வெளிச்சப் புள்ளி பெரிதாகி பிரகாசமாய்ப் பார்வைக்குக் கிடைத்தது. அந்த புள்ளிக்கு வலப்பக்கமாய் ஒரு வெளிச்ச வால்.

அது என்னான்னு தெரியுதா?

தெரியாமே என்ன...? ரோவர் வால் நட்சத்திரம்.

அதைக் கொஞ்சம் அப்ஸர்வ் பண்ணு.

ஏன் நிகில்... அதுக்கு என்ன...?

போன வாரம் பார்த்தபோது இருந்த அதனோட மூவ்மெண்ட்ஸுக்கும் இன்னிக்குப் பார்க்கிற மூவ்மெண்ட்ஸுக்கும் லேசா வித்தியாசம் தெரியும்.

ரினி மறுபடியும் டெலஸ்கோப்பின் ஐபீஸில் கண்வைத்துப் பார்த்துவிட்டு நிமிர்ந்தாள்.

எனக்கு அது மாதிரித் தோணலையே?

அவசரப்படாமே நிதானமாப் பாரு...

என்ன நிகில் நீங்க...? நம்ம சீஃப் சயின்டிஸ்ட் ரோவர் ரெண்டு வருஷத்துக்கு முன்னாடி கண்டுபிடிச்ச வால் நட்சத்திரம் அது. அவர் அதைக் கண்டுபிடிச்ச சாதனைக்காக அவரோட பேரையே அந்த வால்நட் சத்திரத்துக்கு நாஸா நிர்வாகம் சூட்டி அதைக் கண்காணிக்கிற பொறுப்பையும் அவருக்குக் கொடுத்திருக்கு. ரோவர் நேத்துக்கூட அதை அப்ஸர்வ் பண்ணி மானிட்டரில் பார்த்துட்டிருந்தார். நீங்களும் நானும் கூட அவர் பக்கத்துல இருந்தோம். அப்படி வால் நட்சத்திரத்தோட மூவ்மெண்ட்ஸில் ஏதாவது வித்தியாசம் தெரிஞ்சிருந்தா நம்மகிட்ட அப்பவே சொல்லியிருப் பாரே...?

வால் நட்சத்திரத்தைப் பத்தி அவரோட ஸ்டேட்மெண்ட் என்ன ரினி...?

ஜூன் மாசம் இருபத்தி மூணாம் தேதி அதாவது, இன்னும் பத்து நாளில் அந்த வால்நட்சத்திரம் பூமிக்கு அருகாமையில் கடந்து போகும்ங்கிற தகவலையும் அவர் அன்னிக்கே கண்டுபிடிச்சு சொல்லிட்டாரே! இன்னிக்கு வரைக்கும் அந்த ஸ்டேட்மெண்ட் தானே...?

நிகில் கவலையாய் நெற்றியைத் தேய்த்தான்.

எனக்கென்னமோ சந்தேகமா இருக்கு ரினி.

என்ன சந்தேகம்...?

சீஃப் சொன்ன மாதிரி அந்த வால்நட்சத்திரம் பூமிக்குப் பக்கத்துல வந்து கடந்து போயிட்டா பரவாயில்லை. அதுக்கு மாறாக...

அதுக்கு மாறாக...?

பூமி மேலேயே வந்து மோதிட்டா?

ரினி தன் பெரிய கண்களை திகிலில் விரித்தாள்.

நிகில்...! வாட்... நான்சென்ஸ் யூ ஆர் டாக்கிங்!

நோ... ரினி அய’ம் டாக்கிங் வித் சென்ஸ். நீ மறுபடியும் டெலஸ்கோப்பில் பார்...

நீங்க புதுசா என்னமோ கண்டுபிடிச்ச மாதிரி சொல்றீங்க... இப்படி ஒரு பரபரப்பை வெளியிட்டு நம்ம சீஃபைவிட பெரியஆள் ஆயிடலாம்னு பார்க்கறீங் களா?

ரினி... அய’ம் டாக்கிங் சீரியஸ்லி... அறுபது டிகிரி கோணத்தில் மூணாவது யூனிட்டில் தெரிய வேண்டிய அந்த வால் நட்சத்திரம் நாலாவது யூனிட்டில் தெரியுது. இன்டர்பேஸ் கம்ப்யூட்டரில் ரோவர் வால் நட்சத்திரம் பத்தின டெக்னிக்கல் டீட்டெய்ல்ஸை ரெஃபர் பண்ணிப்பாரு...

நிகிலின் பதட்டம் ரினியையும் தொற்றிக் கொண்டது. அவள் கம்ப்யூட்டர்க்கு வந்து மானிட்டர் திரையில் பாத் டைப் செய்தாள். கலர் மானிட்டரில் ரோவர் வால் நட்சத்திரம் பார்வையைக் கூச வைக்கிற பிரகாசத்தோடு மெலிதான ஊதா நிறத்தில் மின்னியது. அதற்கு அருகில் ஓரமாய் விழுந்த விண்டோவில் வானஇயல் சம்பந்தப் பட்ட விபரங்கள் கோட் வார்த்தைகளோடு அடிக் கோடிட்டது.

இன்னிக்குத் தேதியில் அந்த ரோவர் வால்நட்சத்திரம் இருக்க வேண்டிய பொஸிஷனைப் பாரு...

ரினி பார்த்தாள்.

அவளுடைய இருதயத்துக்குள் ஒரு ஐஸ் ஒத்தடம் விழுந்த மாதிரியான உணர்வு.

ரோவர் வால் நட்சத்திரம் கோணம் மாறிப் பூமிப் பந்தை நேராய்ப் பார்த்துக் கொண்டிருந்தது.

நிகில்! யூ... ஆர்... கரெக்ட்... ரோவர் காமெட் பூமியை நோக்கித்தான் வந்திட்டிருக்கு... இந்த விபரீ தமான விஷயம் சீஃப் சயின்டிஸ்ட் கண்ணில் படாமல் போனது எப்படி...? அவர்கிட்ட இந்த விஷயத்தை உடனே கொண்டு போயாகணும்...

ரினி பதட்டமாய் சொல்லிக் கொண்டிருக்கும்போதே

பீப்... பீப்... பீப்... பீப்.

கார்ட்லெஸ் டெலிபோன் கூப்பிட்டது.

நிகில் ஹேண்ட் செட்டை கையில் எடுத்தான். ஹலோ... நிகில் ஹியர்...

....

உடனே வர வேண்டுமா...?

.....

வருகிறோம்.

போனை அணைத்தான். ரினி அவனை ஏறிட்டாள்.

போன்ல யாரு நிகில்...

நாஸா பிரஸிடெண்ட்...

"என்ன