Only Vivek!

By Rajeshkumar

Rajesh Kumar, an exceptional Tamil novelist, in this service since 1968, written over 1500 novels and 1500 short stories, towards making the Guinness record… Readers who love the subjects Crime, Detective, Police and Science will never miss the creations of this outstanding author… since the author gets into the details of the subject, the readers’ knowledge enhances along with the joy of reading…

• Language: தமிழ்
• Publisher: GeeYe Publications
• Release date: Aug 1, 2016

Book preview

16

1

‘ஸ்டெம் செல்’ என்பது முதிர்ச்சி அடையாத ரத்த வெள்ளை அணுக்களின் (White Blood Cell) ஒருவகை செல். இந்த ஸ்டெம் செல்லின் சிறப்பு என்னவென்றால் நம் உடம்பில் உள்ள இறந்த செல்களை மீண்டும் உயிர்ப்பிக்கும் என்பதுதான். உடம்பில் பல உறுப்புகளும், நரம்புகளும், திசுக்களும் இருந்தாலும் இந்த அதிசய சக்தி ஸ்டெம் செல்லுக்கு மட்டுமே உண்டு என்பதுதான் ஹைலைட்.

விவேக்கும், விஷ்ணுவும் மெரீனா கடற்கரையின் பேவ்மெண்ட்டில் ஜாக்கிங் சூட்டோடு நடைபோட்டுக் கொண்டு இருந்தார்கள். கிழக்கில் சூரியனின் துளியூண்டு மொட்டைத் தலை எட்டிப்பார்க்க - நேரம் விவேக்கின் மணிக்கட்டில் இருந்த டிஜிட்டல் வாட்சில் 6.17. தொலைவில் கடல் யாரையோ ஸ்ஸ்ஸ்...ஸ்ஸ்ஸ் என்று அதட்டிக் கொண்டிருந்தது.

பாஸ்...!

என்னடா...?

கொஞ்சம் மெதுவாய் நடக்கக்கூடாதா?

வாக்கிங் ஃபாஸ்ட்டா இருந்தாத்தான் உடம்பு வேர்க்கும். உன்னோட தொப்பை கரையணுமா வேண்டாமா?

என்ன பாஸ்... இப்படி கேட்டுட்டீங்க...? கடந்த ரெண்டு மாசத்துல மட்டும் ஏழு கிலோ வெயிட் போட்டிருக்கேன். வெயிட் அதிகமான தால என்னோட பர்சனால்டியோட பர்சன்டேஜ் அதலபாதாளத்துக்குப் போயிருச்சு. எதிர் வீட்ல இருக்கிற வேலைக்காரி நாகலட்சுமி கூட என்னை லுக் விடறது இல்லைன்னா பார்த்துக் கொள்ளுங்களேன்...! நான் பழையபடி அஜீத் ரேஞ்சுக்கு வரணும் பாஸ். அதுக்காகத்தானே பாதாம் அல்வாவுக்கு இணையான என்னோட காலை நேரத் தூக்கத்தை தியாகம் பண்ணிட்டு உங்களோடு வாக்கிங் வர்றேன்...!

உன்னோட தொப்பை வெயில்ல வெச்ச வெண்ணெய் மாதிரி கரையணும்ன்னா நீ இன்னும் கொஞ்சம் ஃபாஸ்ட்டா நடக்கணும்..

பாஸ்...! எனக்கு ஃபாஸ்ட்டாய் நடக்கணும்னு ஆசைதான் பாஸ்... ஆனா முன்னாடி போயிட்டிருக்கிற ப்ரியம்வதா அன்னநடை போடறாளே?

ப்ரியம்வதாவா... யார்ரா... அது...?

இருபதடிக்கு முன்னால பாருங்க பாஸ்... ரெண்டு பெரிசுகளோட ராட்சஸ மெகாத் தொப்பைகளுக்கு நடுவுல எல்லோ கலர் ஜாக்கிங் சூட்ல எல்லோரா சிற்பம் மாதிரி போறாளே... அவதான்...!

பார்க்கிறதுக்கு நடிகை மாதிரி இருக்கா...!

நடிகையேதான் பாஸ்...!

எந்தப் படத்திலும் நடிச்ச மாதிரி தெரியலையேடா!

பாஸ்...! இவ தெலுங்கு நடிகை! இதுவரைக்கும் தமிழ்ல நடிச்சது இல்லை. தெலுங்குல வேகமாய் முன்னேறிகிட்டு வர்றா...!

ஏண்டா...! நீ தமிழ்படம் பார்த்தே பாதி கெட்டுப்போயிட்டே... இப்ப தெலுங்கையும் விடறது இல்லையா...?

பாஸ்...! நான் பாரதியார் பாலிஸியை பிடிவாதமாய் ஃபாலோ பண்ணிட்டு வர்றேன்.

பாரதியார் பாலிஸியா?

ஆமா பாஸ்... பாரதியார் என்னை மாதிரியான இளைஞர்களுக்கு என்ன சொல்லிட்டுப் போயிருக்கார் தெரியுமா? ‘சிந்து நதியின் மிசை நிலவினிலே சேர நன்னாட்டிளம் பெண்களுடனே சுந்தரத் தெலுங்கினில் பாட்டிசைத்தே தோணி களோட்டி விளையாடி வருவோம்’

அடப்பாவி!

பாரதியாரைத் திட்டாதீங்க பாஸ்!

டேய்...! அவரை ஏண்டா நான் திட்டறேன்...? திட்டினது உன்னைத்தான்! தேசிய ஒற்றுமையை வலியுறுத்துவதற்காக அவர் பாடின பாட்டை ஏண்டா இப்படி பாய்ஸன் பண்றே?

பாய்சனா...? பாஸ்... இது பாயாசம். சாதாரண பாயாசம் இல்லை. பால் பாயாசம். பாரதியார் ‘சுந்தரத் தெலுங்கினில் பாட்டிசைத்தே’ன்னு சொல்லிட்டுப் போயிருக்கிறார். அதுக்காக ‘30 நாட்களில் தெலுங்கு கற்றுக் கொள்ளுங்கள்’ புத்தகத்தை வாங்கி படிச்சுட்டு இருக்கேன். இருந்தாலும் தெலுங்கைத் தப்பு இல்லாமே பாடணும்ன்னா தெலுங்கு படங்களை தவறாமே பார்க்கணும் பாஸ். இந்த ப்ரியம்வதா சமீபத்துல நடிச்சு திரைக்கு வந்திருக்கிற படம் ‘மஞ்சி பில்லா கெட்ட பிள்ளாடு...’ சூப்பர் படம் பாஸ். உடம்பு பூராவும் எண்ணெய்யை பூசிகிட்டு ‘நாகார்ஜுனா’வோடு ஒரு டான்ஸ் ஆடுவா பாருங்க. தியேட்டர்க்குள்ளே சுனாமிதான்!

அந்தப் படத்தை நீ எங்கடா பார்த்தே?

மெலடியில் காலைக் காட்சியாய் போட்டிருக்கான் பாஸ். வர்ற சண்டே உங்களுக்கும் சேர்த்து டிக்கெட் ரிசர்வ் பண்ணிடட்டுமா?

டேய்... நீ திருந்தவே மாட்டியா...?

போலீஸ் டிபார்ட்மெண்ட்டிலிருந்து ரிடையரானதும் திருந்திடுவேன் பாஸ். அதுக்கப்புறம் ஆன்மீகப் பணிதான்! கொட்டிவாக்கத்துக்கு பக்கத்துல ரெண்டு கிரவுண்டு நிலம் வாங்கி, ஒரு ஆசிரமம் கட்டிகிட்டு செட்டிலாயிடுவேன். பெண்களுக்கு மட்டும் அருள்வாக்கு சொல்லி அவங்களோட கஷ்டத்தையெல்லாம் தீர்க்கிற புனிதப்பணியில் என்னை ஈடுபடுத்திக்குவேன்

விஷ்ணு சொல்லிக் கொண்டிருக்கும் போதே முன்னால் போய்க் கொண்டிருந்த அந்த ப்ரியம்வதா எதற்கோ திரும்பிப் பார்க்க - விஸ்ணு கையை உயர்த்தி கேட்டான். மேடம்...! பாக... உன்னாரா...? மீ... படமண்ட்டே நாகு... சால... பெட்டு...!

ப்ரியம்வதா விஷ்ணுவை ஒரு சலனமில்லாத பார்வை பார்த்துவிட்டு தன்னுடைய வாக்கிங்கைத் தொடர, விவேக் கேட்டான்.

டேய்... இது உனக்குத் தேவையா?

பாஸ்...! ப்ரியம்வதாகிட்டயிருந்து எந்த ரெஸ்பான்ஸும் வரலையேன்னு நினைக்கிறீங்களா...? இதுல வருத்தப்பட ஒண்ணும் இல்லை பாஸ். எனக்கு அவளைத் தெரியும். அவளுக்கு என்னைத் தெரியாது. அதுதான் பிரச்சினை. ஒரு பொன்மொழி சொல்லட்டுங்களா பாஸ்...? வெற்றியின்போது கைதட்டும் ஐந்து விரல்களைக் காட்டிலும், தோல்வியின் போது கண்ணீர் துடைக்கும் ஒரு விரலுக்குத்தான் மதிப்பு அதிகம்...! அந்த ஒரு விரலாய் நீங்க இருந்திருக்கலாம்

விவேக், விஷ்ணுவை முறைத்த விநாடி - அவனுடைய செல்போன் ‘வந்தே மாதரம்’ரிங்டோனை வெளியிட்டது. எடுத்து அழைப்பது யார் என்று பார்த்தான்.

வீட்டிலிருந்து ரூபலா.

என்ன ரூபி...?

வாக்கிங் முடிஞ்சுதா...?

முடியப்போகுது... ஏன் என்ன விஷயம்?

"நீங்க வீட்ல வெச்சுட்டுப் போயிருந்த ரெண்டாவது செல்போனுக்கு ஒரு மெஸேஜ் வந்தது. அந்த மெஸேஜைப் பார்த்தேன். எனக்கு ஒண்ணும் புரியலை.