Surrender to Love (A French FairyFail #2)

By Jessica E. Larsen

Power of love, bulong ng isang bahagi ng isip ni Pamela na agad niyang isinantabi. Power-of-love... bullshit! No money, no honey. Iyan ang madalas na nangyayari sa mga nagmamahalan kapag naghihirap. Money makes the world go round!

Simula nang magpakamatay dahil sa pag-ibig ang Aunt Julie niya, “stick to reality” ang naging personal motto ni Pamela, na walang naging ibang ambisyon kundi ang makahanap ng mayamang mapapangasawa. Okay lang sa kanya kung hindi kagwapuhan ang isang lalaki; what’s important is that he has lots of money. Subalit nagbago ang lahat ng iyon nang makilala niya ang French fiancé ng matalik na kaibigan at kinaiinggitan niyang pinsang si Liberty. Agad tumaas ng pangarap niya. Gusto na rin niyang makahanap ng isang mayaman at gwapong lalaki. Pero matutupad kaya iyon kung may isang charismatic na taxi driver na palaging umaaligid at sumisira sa mga plano niya?

• Language: Tagalog
• Publisher: Fluff Books Publishing
• Release date: Sep 30, 2016
• ISBN: 9781370866465

Jessica E. Larsen

Jessica E. Larsen is a Filipina writer based in Spain. As of May 2021, she decided to only write Filipino stories and publish her English stories under Jessie Winterspring.More than anything though, she devours romance like an addict who needs drugs. This can be seen a lot in her writing.She loves spending time reading and falling in love with fictional characters. Enjoy watching Japanese anime while eating noodles with chopsticks and drool at the 80s and 90s music videos.She lives near the Mediterranean coast with her husband and mischievous but adorable son, where she gazed to the ocean and scheme how to torment annoying goody-two-shoes or straight-out murder bitchy exes.

Book preview

Surrender to Love

Jessica E. Larsen

Copyright © 2021 by Jessica E. Larsen

First published July 2016

This is a second edition

All rights reserved. No part of this publication may be reproduced, stored or transmitted in any form or by any means, electronic, mechanical, photocopying, recording, scanning, or otherwise without written permission from the publisher. It is illegal to copy this book, post it to a website, or distribute it by any other means without permission.

This novel is entirely a work of fiction. The names, characters and incidents portrayed in it are the work of the author’s imagination. Any resemblance to actual persons, living or dead, events or localities is entirely coincidental.

Contents

1. Zero

2. One

3. Two

4. Three

5. Four

6. Five

7. Six

8. Seven

9. Eight

10. Nine

11. Ten

12. Eleven

13. Twelve

14. Thirteen

15. Fourteen

16. Fifteen

17. Sixteen

18. Seventeen

Acknowledgements

About Jessica

Zero

BYE, Richard, and thanks, pasalamat ni Pamela habang nakaupo sa passenger seat ng kotse ng manliligaw. Inihatid siya nito mula sa date nila nang hapong iyon. Hindi pa niya sinasagot ang binata pero sa mga manliligaw niya, ito na ang may pinakamalaking lamang sa lahat. Hindi dahil sa ito ang pinakagwapo o nagpapatibok sa puso niya, kundi dahil sa lahat ng manliligaw, ito ang pinakamayaman.

See you next time, sabi naman ni Richard na akma sanang lalabas nang hawakan niya ito sa braso at pigilan.

Humilig si Pamela at hinalikan ito sa pisngi. Thanks for taking me out today. Dinampot na ang mga shopping bags na si Richard lahat ang nagbayad. Binuksan niya ang pinto at lumabas. Drive safely.

If it means seeing you again, I will. Ngumiti ang binata at muling binuhay ang makina ng kotse.

Malambing niyang nginitian ang binata at kumaway nang magmaneho ito paalis, subalit nang wala na sa paningin niya ang kotse, agad na nawala ang nakapaskil na ngiti sa kanyang mukha.

Taas-kilay siyang nagbuntong-hininga at taas-noong binuksan ang gate ng two-story house nila sa isang middle-class subdivision sa Pasig City.

Kapapasok pa lang niya sa loob ng sariling kwarto sa second floor nang marinig ang pagkiriring ng telepono. Manang Celia, ang telepono! sigaw niya sa nag-iisang live-in maid nila sa bahay. Manang! ulit niya nang walang sumagot.

Tumigil sandali ang pag-ring ng telepono, ngunit paglipas ng ilang sandali tumunog ulit ito.

Inis niyang inilapag ang mga dalang shopping bag at lumabas sa kwarto.

Manang?

Tulad ng mga naunang pagtawag niya, walang sumagot sa kanya. Napatingin siya sa suot na wristwatch at nakitang alas-singko na nang hapon. Madalas sa oras na iyon, nakabalik na ang katulong mula sa araw-araw nitong grocery shopping.

Wala siyang nagawa kundi ang tumungo sa sala kung saan naroroon ang telepono.

Buntong-hininga siyang pasalampak na naupo sa kanang dulo ng malambot nilang sofa. Nasa bahaging kaliwa ito ng sala, kaharap ng isang glass cabinet na may HD-DVD player, at wide-screen TV na nakapatong sa ibabaw.

Nilingon niya ang telepono at inangat ang receiver. Nilalaro ang telephone cord at walang gana na bati tumawag. Hello?

"Bonsoir!"

Natigil ang paglalaro niya sa telephone cord at automatic na tumaas ang isang kilay sa nakilalang tinig ni Liberty, ang pinsan niyang kasalukuyang nagbabakasyon sa France. Sa loob ng dalawang buwan mula nang tumungo ito roon, iyon ang unang pagkakataong tumawag ito sa kanya.

And she calls me her best friend?

Muling nagsalita ang nasa kabilang linya. "Hello? Pamela? Bakit natahimik ka? Ang sabi ko bonsoir."

Sorry, but I don’t speak French, sabi niya at inilapag ang receiver sa phone cradle bago tahimik na nagbilang.

One, two, three…pinitik niya ang daliri. Muling tumunog ang telepono.

You’re so mean, Pam, bungad ni Liberty nang muli niyang sagutin ang tawag nito.

At ako pa ang sinisisi mo? Eh, ikaw itong basta na lang nagsasalita nang hindi ko nauunawaan. Malay ko, prank call.

Umingos si Liberty. Prank call? An overseas call plus someone who says your name?

What can I say? kibit-balikat na balik niya. I’m such a popular person, kaya hindi na ako magugulat kung may nakakakilala sa akin maging sa ibang bansa.

Okay. Okay. Sorry na sa hindi ko pagpapaalam sa iyong aalis ako.

At?

At sa hindi ko pagtawag.

Buti alam mo, sabi niya at muling pinaikot-ikot ang telephone cord sa daliri. So, bakit hindi ka kaagad nakatawag? Dati naman kapag nagbabakasyon ka sa ibang bansa, touch landing pa lang ng eroplano sa airport, tinatawagan mo na yata ako eh.

Tumawa si Liberty. Sorry, pero ang dami kasing nangyari.

Ows? namimilog ang bibig na sambit niya. Don’t tell me na nakahanap ka na ng nobyo?

Yes, that’s right! Saglit na naging tahimik sa kabilang linya, at ang sumunod na ingay ay ang kinikilig na tili ng pinsan niya. I finally have a boyfriend! And he’s as dashing as a movie star.

Is that so? Then maybe you should bring him home.

Tumawa si Liberty at pinatirik lang ni Pamela ang mga mata. Naisip niyang nalulunod na naman siguro sa pagpapantasya ang pinsan niya.

Subalit mahigit isang buwan matapos ang pag- uusap nila, natagpuan na lamang ni Pamela ang sariling imbitado sa engagement party nang kababalik lang na si Liberty, at ganoon na lang ang pagkamangha niya nang makilala si Alexandros aka Xander Perrault.

The man wasn’t just dashing. He was captivating! Kaya naman nang araw ding iyon, binasted niya ang lahat ng mga manliligaw, kasama na si Richard na biglang nawalan ng halaga sa kanya. Lalong tumaas ang ambisyon niya. Hindi na lamang basta mayaman at may hitsura ang pwede. Gusto niyang makatagpo ng lalaking mas mayaman at mas gwapo pa sa fiancé ng pinsan niya. Hinding-hindi siya pahuhuli kay Liberty.

One

SIGE NA, Ma. Pagbigyan mo na ako! Halos maglumuhod na sa pagmamakaawa si Pamela sa inang nakaupo sa sofa. Nakaharap ito sa TV at nanonood ng isang variety show, habang palipat-lipat siya ng puwesto sa pagkakatalungko para habulin ang tingin nito.

Buntong-hiningang umiling ang ina niya at sinalubong ang tingin niya. Pinatulis niya ang nguso at nagpamukhang kaawa-awa. Pleeease….

Hay naku, Pamela, kahit umiyak ka pa ng dugo, tulad pa rin ng mga nakaraang araw ang sagot ko. No! sabi ng kwarenta’y singko anyos na si Agnes sa beinte-kwatro anyos na anak.

Pero Mama naman, plane ticket lang naman eh.

Nila-lang mo ang ticket patungong France?

Maarte niyang hinawi ang medyo maalon, mahaba, at itim na buhok sa gilid ng pisngi at itinapon patalikod. Nagdadabog siyang tumayo at ginulo ang bangs na ngayon ay lampas tainga na sa haba. Tumungo siya sa likuran ng sofa at bumulong-bulong na parang bubuyog.

Bumuntong-hininga ang Mama niya. Kung gusto mo talagang tumungo roon sa France, maghanap ka ng trabaho at sariling suweldo mo ang gamitin mo.

Agad na totohanan siyang napasimangot. Hindi na mapakali na siyang nagpalakad-lakad sa sala. Kayang- kaya naman ninyo iyong ibigay ah.

Aba’t—ah, basta! Napag-usapan na namin ito ng Papa mo at nagkasundo na kaming hindi ka pagbibigyan. Graduate ka sa college kung kaya ang paghahanap ng trabaho ang dapat mong pagtuunan ng pansin. Hindi ang paglalakwatsa sa ibang bansa.

Ini-off ng Mama niya ang TV. Tumayo ito mula sa kinauupuan at diretsong lumabas ng sala.

She graduated and got her three-year fashion marketing degree two years ago, but until now she has never tried applying for a job. Gusto niya ang kursong tinapos ngunit talagang ayaw niya ang may ginagawa, mas gusto niyang magpasarap lang at magtrabaho kung kailan niya gusto hindi dahil sa kailangan.

Mabilis sana niyang susundan ang ina nang malingunan niya ang salamin. Napangiti siya sa sarili nang makita ang kayumanggi at makinis na kutis. With her diamond-shaped face, dark expressive eyes, at taas na five-ten, madalas sabihin ng karamihan na mala-young Tyra Banks daw ang ganda niya.

Hmm, I am good looking, aren’t I? Plus mas magaling akong makitungo sa lalaki kaysa kay Liberty. So bakit siya ngayon ang engaged sa isang gorgeous Frenchman?

Nahulog ang balikat niya. Because siya ang may perang magagasta para makapunta ng France! Inis na sagot niya sa sariling katanungan at sinusumpong na lumabas sa sala. Nabangga niya ang kinse anyos na kapatid na papasok sa sala. Umaray ito, pero patuloy lang siyang naglakad patungo sa kwarto na tila walang narinig.

Mama, si Ate nakasimangot na naman at hindi nag- apologize sa akin!

Hayaan mo na siya, Lyndsay. Inaatake yan ng pagiging drama queen niya, balik ng Mama nila mula sa kusina.

Sumbungera! sigaw niya sa kapatid bago pabalandrang isinara ang pintuan at dumapa sa kamang salubong ang mga kilay.

Why is Liberty the one with a hot, rich guy? Gah! Life’s unfair! I have the looks but not the luck!

Magkapatid ang mga ina nila ni Liberty na parehong nanggaling sa mahirap na pamilya, pero magpinsan man sila, sobra naman silang magkaiba, hindi lang pagdating sa pananamit at ugali kundi pati na rin sa yaman ng pamilya.

Isang bank teller ang ama ni Pamela. Ang ina niya isang dating nurse, na nagtatrabaho ngayon bilang manager sa isang maliit na travel agency. Maykaya silang matatawag, at maayos na naitataguyod ng mga magulang ang pag-aaral nila ng kapatid, dahil sa suporta ng uncle niya na ama ni Liberty, but she wants more.

Nag-flash sa isipan niya ang umiiyak na mukha ni Julie, ang nakababatang kapatid ng ama niya. Ito ang nagturo sa kanya na sa buhay, hindi lang dapat puso ang ginagamit, kundi utak.

She paused for a second and raised her face up from the bed with a wicked smile. Sa isipan niya ay isang matibay na pasya ang nabuo.

I’m going to France by hook or by crook at maghahanap din ako ng gwapo at mayamang lalaki na tutumbas o hihigit pa sa fiancé ni Liberty.

image-placeholder

TULAD NG MGA nagdaang linggo, bigo na namang lumabas si Pamela sa opisina ng ina niya. Bagsak ang balikat na may naka-sukbit na black shoulder bag siyang naglakad.

Tumingin siya pababa sa suot na wedge sandals, yellow short flared skirt, at pink top na nagpapakita ng pinagmamalaki niyang cleavage.

It’s March! Springtime! I should be wearing a coat and looking up at blossoming apple trees! Nalalamigan! Hindi itong kay liit na ng damit pero naiinitan pa rin!

Bumuntong-hininga siya at pumara ng taxi sa labas ng travel agency nang magpakita ang Mama niya.

Oh, siya nga pala, Pam, ikaw na ang sumundo sa kapatid mo dahil pareho kaming male-late ng Papa mo sa pag-uwi.

And so? tikwas ang labing hinarap niya ang ina. Ang laki na ni Lyndsay, Ma. Hindi na siya maliligaw pauwi. Bakit kailangan pa niya ng sundo?

"Basta gawin