Deure wat toegeklap word, stilstuipe en ‘n kind wat ure lank in hul kamer wegkruip. Dis dalk net gewone tienernukke, maar jy kan nie help as om te wonder of daar dalk meer agter dit skuil, en om bekommerd te voel nie, want nes ander het jy gehoor tienerdepressie is aan die toeneem.
Wêreldwyd word ‘n geestessiekte, dikwels depressie, by tot een uit sewe kinders tussen 10 en 19 jaar gediagnoseer, sê die Suid-Afrikaanse depressie- en angsgroep (Sadag). En meer kinders neem hul eie lewe – dis die vierde grootste oorsaak van sterftes onder tieners. Navorsing wys tienerdepressie is ook algemeen hier in SA.
Om ‘n tiener te wees is verwarrend en uitdagend. Dié fase is die oorgangstyd tussen kind en grootmens, sê Hanlie Boshoff van Pretoria, ‘n spesialisterapeut in narratiewe terapie met tieners. Sy help hulle om
