BAIE mense hunker na ’n aftreehuisie by die see, maar John en Selena Dickie se droom was letterlik so groot soos die sewe oseane.
Maar om die wêreld vol te vaar het jy ’n seiljag nodig. Toe spring dié twee Johannesburgers vyf jaar gelede aan die werk en bou self een – al het hulle geen ervaring van bootbou en seiljagvaart gehad nie.
Vandag, op 60, is hul huis van stene verkoop en hul nuwe tuiste te water gelaat. En hulle kan skaars wag vir al die avonture anderkant die horison.
Dis ’n reënerige dag toe Huisgenoot by Simonstad aan boord van hul seiljag gaan. Betwixt is die naam op die romp.
Dit het bloedsweet en vasbyt gekos om hul
