MY ROEI NA RIO IN REKORDTYD
SOWAT 7 200 km op die oop see, 10 uur per dag se roei – en 200 kondensmelkies om jou aan die gang te hou. Klink dit soos ’n luilekker seevakansie? Wraggies nie.
Maar Zirk Botha is ’n man wat hom deur niks laat keer of afskrik nie – ook nie deur ongelowige Thomasse wat reken hy is stapelgek om man-alleen oor die Atlantiese Oseaan te wil roei, en dít in ’n boot wat hy self verlede jaar tydens die inperking gebou het nie
Ook nie deur die Kaapse winde wat hom “noord en suid gewaai het” toe hy vroeg in Desember uit Grangerbaai by Kaapstad weggespring het nie. Al het dit dan beteken hy kon daardie keer nie verder vorder as Dasseneiland,
