Vat die juk, en trek
Osmeester Piet Breytenbach knyp sy een oog toe terwyl reëndruppels van sy hoed se breë rand wegspat. Kyk, ’n mens is nie ondankbaar oor reën nie, maar kon dit nie maar gewag het tot hy en sy touleiers die osse ingespan en almal op die ossewa kon ry nie?
Dié nat herfs en modderspul toon egter die moeilike omstandighede waarin Voortrekkers meer as 180 jaar gelede oor berge en dale getrek en in wind en weer oorleef het.
Gedurende die twee dae van die In die Laer-uitstalling in Kimberley hou Piet en sy vrou, Marina, asook Jaco en Endrietta van Rensburg demonstrasies oor hoe kerse en loodkoeëls gegiet, melktert op ’n vuur gebak en ’n vuurwarm ysterband om ’n houtwiel getrek is.
John Roderick, ook ’n lid van die Trekboervereniging wat in die Diamantstad bly, het sy spoggerig beskilderde
