POSBUS 1802, KAAPSTAD 8000; e-pos: lbw@landbou.com
Skep toekoms vir SA se jeug
WENBRIEF ’n Mens kan maar sê dat ek reeds byna my vervaldatum bereik het, maar ek dink met groot seer aan jong mense wat nog hul lewe moet leef en hul ideale verwesenlik wil sien. Hoe sien hulle hierdie gebroke land van ons? Inteendeel, hoe voel hulle oor die wêreld van vandag?
Daar is nie werk nie. Waarheen gaan die gegradueerdes en dié wat matriek klaargemaak het? Ouers bestee honderdduisende rande aan hul kinders se opvoeding aan tersiêre instellings, betaal rente op rente vir jare daarna, en dan sit die kind gestrand met geen vooruitsigte op ’n beroep nie.
Dit is hartverskeurend, en verklaar waarom daar soveel dwelmmisbruik en geestessiektes onder die jeug is. Ons as volwassenes sukkel dan om te cope en sane te bly in hierdie koelbloedige lewe van nou. Enige ouer wat kinders op skool het, sal vir jou sê hoe hulle steier onder skole se druk om kinders se skoolfonds te betaal. Dit is onvolhoubaar.
Jong mense moet sonder kommer kan studeer en die volwasse wêreld met vreugde en hoop betree, maar nou is daar