Eksteenfontein ’n Verhaal van moedhou
Eksteenfontein is nie sommer net hier of daar nie. Jy sien hom nie van die pad af nie. Jy gewaar hom dikwels nie eens op die padkaart nie. Dis ’n plekkie wat diep in die Richtersveld weggesteek lê, toegevou tussen die growwe hande van die berge.
Selfs die reënwolke sukkel om hier uit te kom. Hulle het ses jaar laas ordentlik kom natmaak, vertel Selma Klim voor die gehuggie se honderd vaalblou posbusse. “Maar ons kry darem elke drie weke pos,” sê sy.
By Elbry Strauss se Welkom-winkel is daar elke Dinsdagoggend vars brood, groente en vrugte wat hy op Maandae op Springbok koop en dan met sy bakkie
