MY LEWE
Sy is as kind deur ’n groep mans verkrag. Die magteloosheid van dié nagmerrie het haar gedryf om selfverdediging te leer, en daarmee ook haar mense te bemagtig, vertel Shauna Booysen (39), ’n selfverdedigingskenner van Eldorado Park in Johannesburg.
“Ek het gedink dis die einde van my lewe. ’n Groep mans het my van voor en agter gegryp, opgetel en na ’n verlate woonstelblok toe gevat. Ek was in skok. My lyf het gevries. Ek kan nie eens onthou hoe lank ek daar was nie. Ek kon hoor hulle stry oor wie se beurt dit is.”
