‘EK HET gedink dis die einde van my lewe. ’n Groep mans het my van voor en agter gegryp, opgetel en na ’n verlate woonstelblok toe gevat. Ek was in skok. My lyf het gevries. Ek kan nie eens onthou hoe lank ek daar was nie.
Ek kon hoor hulle stry oor wie se beurt dit is. Ek was in gr. 8. Op pad huis toe ná hokkie by die skool. Dit was ’n normale dag, en soos gewoonweg het ek met die paadjie deur die bos gestap.