‘n Ma, smekend en huilend op haar knieë oor haar dogtertjie wat spoorloos verdwyn het. ’n Gemeenskap verskeur tussen help soek en klippe gooi. Die storie van die vermiste Joslin Smith (6) is ’n alte bekende een in Suid-Afrika, en veral die Wes-Kaap.
Met Kuier se druktyd meer as ’n week later was Joslin nog nie opgespoor nie. En die gety het begin draai in Saldanhabaai aan die Weskus, waar elke steen, struik en stuk strand gefynkam is op soek na dié dogtertjie met die groot groen ogies.
Toe kort voor druktyd met haar ma, Kelly Smith (33), gesels, was dit in ’n oproerige, gespanne agtergrond. Met die gemeenskap wat volgehou het sy en haar kêrel, Jacquin Appollis – in wie se sorg Joslin gelaat is op die dag van haar verdwyning – weet waar die dogtertjie
