JY HET jou dalk voorgeneem dat jy in 2024 jou gesondheid ’n prioriteit gaan maak. Minder gemorskos gaan eet, elke dag ’n lang ent gaan stap of draf, dalk minder alkohol drink.
Maar gesondheid gaan nie net oor leef-stylveranderinge nie. As jy jou dokter as ’n vennoot by jou gesondheidsreis betrek, kan jy dalk ’n paar lewensbedreigende siektes afweer, of ten minste betyds behandeling kry wat jou kans op oorlewing kan verbeter.
“Daar word algemeen aanvaar dat mans en vroue wat heeltemal gesond is steeds van hul 50’s af jaarliks ’n roetinebesoek aan ’n huisdokter moet bring,” sê dr. André Dreyer, ’n onkoloog by die Cancercare- eenheid in George.
Die liggaam kan vergelyk word met ’n motor wat gereeld gediens moet word (mediese
