'39;Hartverskeurende mis-kraam op 18 weke en toe weer ’n verpletterende verlies byna twee jaar later, het die aktrise Kim Syster (35) soos ’n halwe vrou laat voel – onvoldoende, magteloos…
Maar haar besluit om openhartig oor haar pyn te begin praat, het gehelp dat sy en manlief, Chris Lategan (36), weer die skerwe aanmekaar kon las. Vandag weet dié Arendsvlei-ster dit was die pad wat hulle móés loop, soos die Here dit uitgelê het. En daar is berusting.
Tussen die trauma deur het die gebede deurentyd boontoe geskiet en die paartjie, wat in 2014 getrou het, het bly vasklou aan elke greintjie hoop – dalk sou hulle tog eendag die voorreg kon beleef om ouers te word.
En kyk net hoe werk die Here! Sien ’n mens haar vandag met haar seunskind op die arm, sluk jy swaar aan die knop in jou keel. Kim koer liefdevol oor haar bondeltjie – wat net drie maande oud is met Kuier se fotosessie – en dis ’n absolute en vreugdevolle pragprentjie om te aanskou.
“Sy naam is Nikolas. Dit beteken ‘victory of the people’. Hy is vernoem na my oupa en my uncle (my ma se pa en broer). He signifies hope.”
Haar ma, Yvonne (59), is ook vandag hier om handjie by te sit met klein Nikolas. Sy bewonder die natuurlike ouers wat Chris en Kim binne ’n oogwink geword het. “Dis amper of hulle altyd geweet het wat om te doen. Naturals,” sê Yvonne.
Sy het
