JY PRAAT nie oor ’n miskraam nie, het die ou mense geglo. En sy was lank stil daaroor. Net haar naastes het geweet.
Maar eintlik wóú sy daaroor praat. Sy wou juis nie stilbly oor iets wat dra aan onnodige stigma nie. Dit was net te eensaam. En dit was nie net een keer nie – sy het binne ’n jaar drie miskrame gehad. Daar was drie keer ’n hartjie wat nie klop nie.
Om die verlies, verdriet en vrees van dié teleurstelling te verwoord is moeilik en seer, sê die aktrise Carina Nel (36). En tog het sy in Desember verlede jaar besluit om die woorde te vind om op Instagram openlik oor haar ervaring te skryf.
“Ek het een asemrowende dogtertjie en drie