Min mense weet dat Machadodorp (of eNtokozweni, soos dit nou amptelik bekend staan), eens die hoofstad van die Republiek van Transvaal was. Na die besetting van Pretoria deur die Britse soldate tydens die Tweede Boere Oorlog, het President Paul Kruger en sy kabinet daarheen gevlug, die dorp as die hoofstad geproklameer en vir ‘n paar maande gedurende 1900 treinwaens as hul kantore gebruik.
Die dorp het oorspronklik ‘Geluk’ geheet, vernoem na die plaas waarop die treinstasie gebou was. Dis in 1894 na Joachim Machado, ‘n ingenieur van Portugese herkoms wat opmetings vir die Nelspruit-Delagoa spoorlyn gedoen het, vernoem.
Die Land Rover Bush Run-groep het besluit dat hierdie vergete klein plekkie langs die N4 op die platorand van Mpumalanga die ideale bestemming sou wees om tydens die Erfenisdag-langnaweek te gaan verken. Kobus