WARE LEWENSDRAMA
Toe daar in haar Sondagskoolklas gevra word wie eendag hemel toe wil gaan, het die brawe vyfjarige Chevante Jaylen Alcaster trots haar armpie Thoog in die lug opgesteek.
Dit was asof God sy lieflingdogtertjie voorberei het om haar laaste dag op aarde – Sondag 22 Oktober – in Sy teenwoordigheid te kon deurbring.
Die aand voor haar tragiese dood het die kleine Chevante van Uitbreiding 12 in Atlantis haar eie klere vir die kerk uitgekies en sy was so opgewonde om in die huis van die Here te wees.
Die volgende oggend, gewapen met haar geliefde Bybel, is sy en haar ouma, Charlene Plaatjies (53), kerk toe, soos hulle elke Sondag getrou gedoen het.
Daardie oggend het Chevante se Sondagskoolonderwyser vir hulle vertelgeen twyfel by dié borrelende dogtertjie dat sy eendag op die goue strate wil stap nie, en selfs haar gunstelinglied is daardie oggend in die kerk gesing.
