Sy was so dankbaar dat die man hom oor haar dogter en dié se seuntjie ontferm het toe hulle oor die Paasnaweek van 2016 verdwaal het, dat sy en haar gesin hom vir Kersete genooi het.
Vir Carol Petersen (51) van Kuilsrivier in die Kaap het hy voorgekom soos iemand wat sy “nogal in haar vriendekring wou hê”. Sy't selfs gedink hulle deel dieselfde waardes. Min kon sy toe weet dié einste man sou twee jaar later haar enigste meisiekind vermoor en haar liggaam op ‘n plaas in Wellington dump.
Dié storie het destyds groot opslae gemaak toe Chantell Matthysen (21) se lyk op 2 Julie 2018 in ‘n vlak graf op die plaas Aubon Rue gevind is. Twee dae later is die gedeeltelik verbrande liggaam van Maria Isaacs (33) naby die plaas Bakenhof teen die R45 gevind. ‘n Dag later, op 5 Julie, is die oorskot van Natalie Jonkers (35) ook gevind langs die R45. Al drie is verwurg.
Die vermoordes se families moes