‘HULLE HET MY KINDWEES EN DROME UITGEWIS’
DIE afgryslike tonele tref jou soos ’n voorhamerhou en breek jou hart. Want dis weerlose kinders wat so voor jou oë ly.
In die onbeskryflike hel genaamd Gasa dra ’n reddingswerker ’n beseerde seuntjie uit die puin van sy ouerhuis, sy gesiggie met grys sementstof bedek.
Elders vlug ’n verslae ma ná ’n lugaanval uit haar huis met haar beangste seuntjie op haar heup. Agter haar volg nog ontheemde vroue met kinders op sleeptou… en ’n boetie wat moedig met sy jonger sussie in sy arms voortstrompel.
Nog ’n foto wys ’n tienermeisie met traanstrepe oor haar roetbesmeerde wange met twee angsbevange kleuters wat aan haar vasklou.
Op ander foto’s strompel kinders in die puin rond met die dinge wat vir hulle kosbaar is: ’n speelding, ’n troeteldier…
Dis die soveelste dag van
