‘OUERS, FOUTE IS ORRAAIT’
WANNEER ’n mens aan die Jolie-Pittkinders dink, sien jy dalk voor jou geestesoog foto’s waarop hulle deur die hoofstede van die wêreld se lughawens drentel. Van Los Angeles tot Londen, Parys tot Phnom Penh, Sydney tot die Seychelle – dié kroos was al daar.
Maar sedert die coronaviruspandemie is Brad Pitt (56) en Angelina Jolie (44) se ses kinders, net soos die kroos van gewone sterflinge, tuis ingeperk. Al is dit in twee reusehuise met genoeg ruimte om in te baljaar.
Maddox (18), Pax (16), Zahara (15), Shiloh (13) en die tweeling Vivienne en Knox (11) verdeel hul tyd tussen hul ouers se huise in Los Feliz, ’n geil buurt teen die heuwels van
