DIE GAWE VAN GROEN
Deur ELMARIE DERCKSEN
Lapa Uitgewers, R290
Sati se reisgoed staan gereed: “’n Linnesak met ’n paar dae se voorraad onderklere, kouse, haarknippe, ’n blikkie met as vir tandekrap. Die haardoeke, gevulde watersakke, handskoene. Langsaan, die drie potte met nutsplante wat sy toegelaat is: boegoe, veldkruisement, spekboom.
“Niks gaan saam net vir die mooi nie. Sy het aanhou smeek vir ruimte vir die rietboeke, en Manan het aanhou weier, die goed is dik en swaar, soveel dat die tranedal Pappa se arbitrasie genoop het.
“Op die ou end het hy ingewillig dat sy een mag saamneem,