HY IS een van die mees gerespekteerde godsdiensleiers ter wêreld, ’n voorstander van wêreldvrede, ’n simbool van eenheid, en kampvegter vir alles van vroueregte tot armes.
Maar nou is die Dalai Lama, die 87-jarige hoofleier van Tibettaanse Boeddhisme en wenner van die Nobelprys, om ’n ander rede in die nuus.
Skielik word ander woorde gebruik om Sy Heiligheid se optrede in ’n video te beskryf – woorde soos “skandalig” en “walglik”. In die video sien ’n mens hoe ’n jong seun na die Dalai Lama stap by die Tsuglagkhang-tempel in Dharamshala, Indië, waar die heilige man woon. Die kind