1 Die woord “onthoukos” word so maklik gebruik, maar wat is die DNS daarvan vir jou?
Dit is vir my kos wat goeie herinneringe terugbring. Soos wanneer jy daardie peper ruik wat oor die waterblommetjiebredie gemaal word, die suurlemoensap wat oor dit uitgedruk word, dan sit jy weer om die tafel saam met jou ouma en oupa. Of daardie kere wat jou lippe aanmekaar plak van die beesstert en jy weer om die groot sleeper-tafel in die braaikamer sit.
2 Jy praat gereeld van jou ouma Marie Kellerman. Wat het jy by haar oor kos geleer wat jy elke dag gebruik?
Beslis geduld, daardie bietjie langer tyd bestee aan iets. Dis ’n luukse wat jy nie meer deesdae in die kombuis het nie, en soms is dit net lekker om oor ’n naweek tyd tot jou beskikking te hê.
3 Waarom is jou herkoms vir jou so belangrik wanneer jy kook?
Ek wil mense inspireer om die resepte van hul ouers en grootouers neer te skryf sodat hul kinders dit ook kan gebruik. Ek is bang daardie kos, geure en smake, wat so ’n groot deel van my lewe en onthou is, gaan verlore.
4 Waarna proe onthou vir jou?
As ek een gereg moet uitsonder,