OP DIE RAK
Brood & Botter word deur Human & Rousseau uitgegee en kos sowat R425 by boekwinkels.
1 Wie is Nic van Wyk? Vertel ons wat jou opgewonde maak.
Nic van Wyk is ’n doodgewone ou, hy bly op Stellenbosch en maak kos vir ’n lewe. Hy is gelukkig genoeg om te hou van wat hy doen, eet te veel en oefen te min, en het nooit genoeg tyd om alles te doen wat hy wil nie. Hy’s sy eie grootste kritikus en wil net hê almal moet lekker eet en gelukkig wees. Hy raak opgewonde oor ’n Bosveldvuur, ’n grondpad en ’n doringboom waar hy ’n stukkie vleis kan braai, kan stil wees en ’n koue glasie van iets lekkers geniet.
2 Waarom is kosmaak vir jou so belangrik?
Ons lewe, of wel, my lewe, gaan oor eet. Dit is een van die min goed wat jou daagliks plesier verskaf. Dis deel van wie en wat ons is, en met die lewe wat party dae moeilik kan wees, dink ek kos kan daai daaglikse geluk en sielsopwekking bring wat ons almal nodig het.
3 Wou jy nog altyd ’n sjef wees of was daar ander planne?
Ek wou nog altyd ’n sjef wees, maar my