Twintig jaar lank was hy dolgelukkig in die Goudstad, hard besig om te skaaf aan Theodore Jantjies, die akteur. Laas jaar het Theo (39), soos hy alombekend staan, sy slag as TV-aanbieder gewys en die plaaspaaie aangedurf in Landbouweekliks se bakkie op VIA (DStvkanaal 147).
Op haar beurt het sy lewensmaat, Tammy (35), die leer Op haar beurt het sy lewensmaat, Tammy (35), die leer met alle mag in die regswêreld in die Hoëveld geklim, waar sy sewe jaar gelede by hom aangesluit het. Toe bring die afskop van 2018 vir hulle 'n seunskind, en einde Desember 2019 sweer hulle vir ewig trou.
Die lewe was 'n lied vir go-getters Theo en Tammy Jantjies. Maar toe slaan Covid-19 toe en bring daarmee saam nuwe perspektief: die lewe is te kort om so ver van jou hartsmense te wees. Hul seuntjie, Shiloh, moet sy nefies en niggies ken en meer tyd spandeer met sy grootouers. Veral ook sy oumagrootjie, terwyl sy nog daar op Theo se geboortedorp, Heidelberg (in die Wes-Kaap) woon.
Dit was ook nie net 'n geval van“vat jou goed en trek”nie. Hulle het eers hul wense in God se oor gefluister. En daar loop haal die suidooster hulle toe so wrintiewaar in Gauteng en waai vir Theo sommer reguit“Ruiterbosch”toe!
Theo het pas sy verskyning gemaak as Aiden Booysen, die sjarmante nuwe apteker in , wat Gauteng verruil het om by AB Samsodien (Cedwyn Joel)
