Partytjie op die Makgadikgadi-panne! Hoekom? Sal dit nie hierdie baie sensitiewe ekosisteem vernietig nie? Dit was maar net ‘n paar van die vrae wat ek gehad het. Ek bedoel – kan jy jou voorstel dat mense oral op die panne doughnuts doen? Wel, om die waarheid te sê, het ek dit nie eens een keer sien gebeur nie! En as enigiemand dit sóú probeer het, sou hulle vir seker ‘n behoorlike uittrap gekry het!
Ons het by familielede van die OppiPanne-fees gehoor, toevallig dieselfde familielede wat met die voormalige Stormers-rugbyspeler, Joe Petersen en Bok van Blerk saamgespan het om die geleentheid te laat plaasvind. So, ons het besluit om self te gaan kyk.
Kia Suid-Afrika was gaaf genoeg om vir ons die onlangs bekendgestelde nuwegenerasie Sorento vir die reis te leen. Alhoewel dit nie noodwendig ons eerste keuse vir ‘n Botswana-reis – wat beslis ‘n heelwat uitdagende sand seksies sou behels – sou wees nie, was ons reg vir die avontuur. Rudu du Plessis van Outdoor Campers het ingestem om vir ons ‘n Vagabond Rogue te leen en ons het