EINDELIK het die groot oomblik aangebreek waarna elke student so reikhalsend uitsien – die gradeplegtigheid ná jare agter die boeke; die viering van harde werk en akademiese uitnemendheid.
Toe sy naam uitgelees word, kom Omamuyovwi Gbejewoh, oftewel Dante, aan die beurt om sy meestersgraad in landbou aan die Universiteit Stellenbosch te ontvang. Op die oog af onderskei niks hom van die ander suksesvolle kandidate nie. Dis eers wanneer ’n mens sy inspirerende verhaal hoor dat jy besef wat hy alles moes oorkom om vandag hier te staan.
Daardie gradeplegtigheid was verlede Desember, en vandag praat Dante met ons uit Kensington, Kanada, waar hy nou met ’n beurs vir sy doktorsgraad in landbou studeer.
“Dit het nog nie behoorlik by my ingesink dat
