SERENA DIE STAATMAKER
"Vrou van Samaria, gee tog net 'n bietjie water," word in die bekende koortjie gevra.
En dié koortjie is waarskynlik meer as net 'n bietjie van toepassing op Serena Cloete (51) van Garies in die NoordKaap. Want sien, sy is die vrou van die Kamiesberg met die goeie hart. Die een wat nie net watertjies gee nie, maar ook die spreekwoordelike daaglikse brood. En dít boonop aangevul met hope liefde en geduld.
Serena is die eienaar van die Garies Spaarwinkel en sy moes al vele bitter pille sluk en bitter bekers ledig om te kom waar sy vandag is.
"Ek was vir omtrent 25 jaar in diens van mev. Serene Hughes gewees. Die salaris was nie groot nie. Nietemin, hier het ek baie waardevolle ondervinding opgedoen van besigheid doen, ensovoorts."
Volgens haar het
