EK KRY MY LEWE TERUG
MOEISAAM klim hy uit die motor en skuifel gebukkend oor sy houtkierie nader, een wankelrige tree op ’n slag.
Jou hart wil-wil breek wanneer jy hom so sien en onthou hoe energiek hy altyd op die verhoog was. Want die rooikopman met die kierie is Thys die Bosveldklong, die sanger wat enige verhoor se voete kon laat jeuk.
Uiterlik lyk Thys (47) na ’n skaduwee van die man wat hy was. Hy is brandmaer nadat hy 40 kg verloor het weens die aftakeling van meervoudige sklerose (MS), en sy eens netjies versorgde bokbaardjie is nou ’n ruie boskaas.
Maar toe Thys (47) begin gesels, besef jy gou die siekte het nie
