EK SÁL TEEN MY SIEKTE VEG
DIT is skuins voor twee op ’n Woensdagmiddag toe die omroeper die ateljee met ’n kierie en stadige treë binnestap en agter die mikrofoon inskuif.
“Goeiemiddag, jy kuier nou saam met Thys die Bosveldklong,” groet hy die luisteraars van Kosmos Stereo 99.3 FM, ’n radiostasie wat vanaf Middelburg, Mpumalanga, uitsaai.
Thys (45) lyk moeg; glad nie soos die energieke Bosveldklong wat die publiek die afgelope 25 jaar op die verhoog en TV-skerm as sanger en grapjas leer ken het nie.
Hy lag saam oor een of twee van die grappies wat luisteraars op die WhatsApp-lyn instuur en maak
