TA-DA, EK DRA RÉGTIG ‘DRAG’!
LOOP jy haar in die straat raak, sal haar skoonhe id jou laat weer kyk. Hoe dan anders met daardie vuurrooi lokke wat net reg in die wind dans en haar bloedrooi lippe permanent in ’n aanloklike pruilmond gevorm.
Om nie eens van daardie noupassende nommertjie te praat nie.
Maar wanneer die aantreklike Lyz Dexia saans tuiskom, skop sy veel meer as net haar hoëhakskoene uit. Dan waai ook die pruik, die sexy rokkie en selfs haar wenkbroue. En die een wat op die rusbank voor die televisie neerplons, is Phillip – die man wat soms in Lyz se vel inklim.
“’n Mens kan seker sê dis iets soos ’n ‘ta-da!’-oomblik,” spot die akteur Phillip Schnetler (31), wat deesdae ook die dubbele vertolk.
