DIE BESTE VAN TWEE WÊRELDE
Chanelle de Jager is deesdae presies waar sy wil wees.
Op die plaas Geelkop buite Keimoes in die Noord-Kaap waar die aktrise twee jaar gelede saam met haar verloofde nesgeskop het, lyk ’n tipiese dag dalk só: Hul agt honde maak haar om halfses wakker, dán koffie op die stoep wat uitkyk op die wingerd en haar garingboom-en-kaktustuin. Nege tot vier is “besigheidsure” in haar ateljee. Daarna kosmaaktyd. Sesuur: aandete op die stoep. En later ’n bietjie TV . . .
Dis ’n bitter rustige lewe, maar dis hoe sy daarvan hou, gesels Chanelle uit die studeerkamer van die 1930’s-plaashuis wat sy en haar geliefde (sy verkies om sy naam privaat te hou) saam gerestoureer het. Haar hondjie Patat – “ons spot hy is dalk ’n kruising tussen ’n rot en ’n springbokkie” – kom meld ook aan tydens die Zoom-onderhoud. “Hy doen alles saam met my. Shop, slaap, you name it! Ag, ou Tatjies,” koer sy en tel hom op haar skoot.
Vanoggend was Patat juis saam met sy mense dorp toe. Chanelle moes ’n bestelling van haar kunswerke na ’n dekorwinkel in Gauteng laat stuur. Haar slag om bokskedels met die fynste kerfwerk in unieke muurkuns te omskep het verlede jaar tot haar onderneming, Chanelle de Jager Carvings, gelei.
Sy hou dalk van die stilte en eenvoud van die Noord-Kaap, maar almal wat Chanelle ken, weet sy is
You’re reading a preview, subscribe to read more.
Start your free 30 days