STERK KOEI AGTER ELKE SUKSESVOLLE BUL
Sy nageslag sal nie noodwendig soos die bul lyk nie, maar eerder soos sy ma. As ’n teler ’n sterk bul uit ’n sterk koeilyn in ’n ander voortreflike koeilyn gebruik, versterk dit sy kans om ’n baie sterker nageslag te teel.
Só sê die 38-jarige mnr. Gert Nienaber, teler van die huidige Simmentaler-wêreldkampioen. Hy en sy pa, Peet (71), besit die PJ Nienaber-boerdery en Leeupoort Simmentaler-stoetery op die plaas Rhenosterfontein by Rustenburg. Buiten die Simmentalers boer hulle met kommersiële beeste en Kalahari Red-bokke.
Nienaber teel verskillende lyne Simmentalers. Die Z-lyn en L-lyn kom albei uit die voortreflike koei Labe, wat verantwoordelik was vir twee baie sterk lyne in die Leeupoort-kudde.
Die Z-lyn is gevestig deur die bul Zagreb, waaruit verskeie afstammelinge gevolg het met name wat met ’n Z begin. Een hiervan is die huidige wêreldkampioen-Simmentaler, Leeupoort Zarlo.
In 2017 het Nienaber met Laban (Labe se kleinseun) begin skou. Sy beste afstammelinge se name begin almal met ’n L.
Uit Leeupoort Betsie se dogters het hy die B-lyn gevestig.
Sy nuutste lyn is die P-lyn wat uit Phelps gevestig is. Twee van sy bekendste bulkalwers
You’re reading a preview, subscribe to read more.
Start your free 30 days