INLIGTING
Plaasligging: Windhoek, Namibië
Naam: Lichtenstein West
Eienaarskap: Beslote korporasie
Vertakkings: Simmentaler- en Brahman-stoetery, Warmbloed-perde en trofeejag
Veldtipe: Bergagtige, klipperige veld met goeie, diverse veld bestaande uit meer as honderd grasspesies
Gemiddelde reënval: 350 mm/jaar
KORTOM
■ Dié boer beplan metings en weging vooruit om elke eienskap op die regte tyd te meet.
■ Me. Bianca Lueesse kyk elke paar weke na gelang van veldtoestande en die beskikbare weiding hoe die verskillende dieretroppe verskuif moet word.
■ Lueesse is die vierde geslag wat ’n bestaan uit die Simmentalers maak en sit die seleksie vir beeste voort om in veldtoestande met min insette te reproduseer en produseer.
Dit is ’n lang proses om ’n beesboer te word en voortdurend te groei, sê me. Bianca Lueesse, Simmentaler-, Brahman- en Warmbloedperde-stoetboer en wildboer van Windhoek in Namibië, wat pas as Breedplan-Landbouweekblad-Molatek se Suider-Afrikaanse Stoetteler van die Jaar vir 2022 aangewys is.
Die hoë vlak waarop sy boer en die kundigheid wat sy aanwend om op wetenskaplike wyse te selekteer, teel en bestuur, het haar dié vlagskip-eerbewys tydens die jaarlikse LRF-Veeskool by Aldam besorg.
Die Simmentalers waarmee Lueesse op die plaas Lichtenstein West in die Khomas Hochland buite Windhoek boer, stam van die eerste Simmentalers af wat haar familie in 1893