DIE SEE IS MY VEILIGE HAWE

ONS het eenkeer ’n jaar Durban toe gegaan na my grootouers toe. Daardie vakansies bly my by as die gelukkigste tye waar ons as familie tyd saam spandeer het en net gelag en goeie tye saam geniet het. Ons het nie ryk grootgeword nie. Veral toe ons Kaap toe getrek het, was dit rof. Dit het deel van my natuurlike instink geword dat die oseaan is waar geluk is. As ons daar was, het ons vergeet van probleme.

Hoewel ek in Johannesburg gebore is, onthou ek nog goed dat ek as kind vir my pa gevra het om vir my ’n surfboard te koop. Hy het gesê: “Ons bly nie naby die see nie, vir wat soek jy ’n surfboard?” Ek