Xandri se Kersgeskenk
XANDRI voel hoe sy in stadige aksie vorentoe val en weet dadelik dat daar geen ander landings-plek gaan wees as op Kersvader se boe-pens nie. Haar rooi hoëhakskoen het iewers vasgehaak en dit het ’n onaangename reeks gebeure in aksie gesit. Nie die soort wat jy in feëverhale kry nie. Eerder die Grimm-weergawe daarvan.
En daar lê sy skoenloos op haar maag op Kersvader se opgestopte maag en sy kan hoor hoe van die omstanders na hul asems snak. Gelukkig maak haar skouer-lengte hare ’n gordyn oor haar gesig. Dit help darem om haar rooi wange weg te steek en verhoed hopelik dat mense haar herken.
“En wat wil jy graag vir Kersfees hê?” vra ’n diep mansstem.
Xandri spartel om orent te kom, maar dis asof haar arms vol jellie is. Kersvader se maag skud soos wat hy lag, en
