’NTROUE vir Kersfees
“Mamma!”roep ’n stem van die hek af. Die hekkie kreun soos dit oopgaan en weer toegaan.
Missy vee vinnig haar trane af en kyk na haar suster, Suzie, wat dieselfde doen. Suzie wat haar pas vertel het dat haar onkoloog haar minder as twee maande gegee het.
Shari, haar susterskind, staan in die deur – groot en blinkoog.“Xavier het propose!” kondig sy aan en val in haar ma se arms.
“Baby, baie geluk, my kind. Wys my die ring!”sê Suzie terwyl Missy sê-vra:“Ek neem aan jy het ja gesê?”
“Natuurlik!”
Missy kan vir Shari uittart soos sy wil, maar toe sy verby die kind se jongste haarstyl kyk, wens sy sy kan haar susterskind vir ewig in dié oomblik vashou. Hemel, sy is so gelukkig. Om te dink aan die nuus wat vir haar wag. Moenie huil nie.“Baie geluk, Shari.”
“Ek is so excited – ek dink al aan die datum, kleure – my rok!”babbel die kind aaneen en Missy probeer ’n glimlag van iewers trek.“Kom vertel ons hoe hy jou gevra het.”
“Oh my word,”slaan sy haar hande saam. Die fokus verskuif na haar ringvinger en almal wil die ring sien.“Hy het dit by die huis gedoen. Hy het my favourite dish gemaak. Ma weet hy kan lekker kook.”
“Sy ma het hom reg geleer, anders as jy,”spot Missy.“Jy sou doodgaan van die honger as hy ronde hande gehad het.”
You’re reading a preview, subscribe to read more.
Start your free 30 days