Op TV of radio – sepies bly gewild!
Om sepies te kyk, is soos om by geliefde vriende te kuier – of om ou emosies te herleef wanneer die gehate eksman weer sy opwagting maak. En dis juis wat sepies so gewild maak, sê Leon van Nierop, die radiosepie Hartebreker se skrywer met ’n string boeke en ander radioreekse agter sy naam. “Toe ek iemand eendag vra hoekom sy so lief is vir sepies, is dít wat sy sê: ‘Weet jy my skat, dis omdat dit voel asof ’n mens elke dag by vriende kuier, maar vriende wie se lewe baie interessanter is as wat in ons lewe gebeur. Dis meer as net kennisse.’”
En ons raak so geheg aan die karakters. Hul sêgoed – ’n kenmerk() in 7de Laan (meer op bl. 21): Al het jy min geweet van dié sepie, verstaan mense nou nog wat dit beteken wanneer jy “gevleuelde woorde spreek”.
