VERWOES DEUR DIE GROOT K – OP 26
AS DIT nie vir die foto’s was nie, sou ’n mens skaars kon glo dat dieselfde vrou wat vandag dodelik siek hier sit eens as skoolmeisie die verhoog aan die brand kon dans. Dat sy op haar troudag ’n pragtige bruid was wat vol bruisende lewenslus aan haar man se sy gestaan het. Of dat sy geblom het as jong ma vir haar babaseuntjie.
Maar nou moet jy diép in Carli van Aswegen se blou oë soek na die eens vrolike jong vrou. Op 26 berei Carli haar voor vir haar dood nadat sy net meer as ’n jaar gelede moes hoor sy het breinstamkanker. In Desember verlede
